Жауынгерлік даярлық бойынша экспресс-тестілеу

«Отар» 40-шы әскери базасында Құрлық әскерлері бөлім­шелерінің арасында жауынгерлік даярлықты ұйым­дастыруды жетілдіруге бағытталған жарыс өтіп жатыр. Кеше басталып, 22 мамырға дейін жалғасатын жауынгерлік жарысқа 25 команда қатысуда. Бұл Аэроұтқыр әскерлері және «Оңтүстік», «Шығыс», «Батыс» өңірлік қолбасшылықтары әскерлері атынан сынға түстетін 600-ден астам адам. Жыл сайын өткізіліп тұратын шара барысында оған қатысушы әскери қызметшілерге атыс қаруының әр түрінен, жаяу әскер жауынгерлік машинасының қаруы­нан, танк және артиллерия қару-жарағынан бақылау ату жат­тығулары бойынша тапсырмаларды орындауға тура келеді. Алыс қашықтыққа ату жарысы бойынша әскери қызметшілер өзде­рінің ату қаруын меңгерудегі кәсіби біліктіліктерін дәлелдеуі керек. Жауынгерлік жарыстың экс­пресс-тестілеу қорытындысы бойынша оған қатысушылардың күштік және төзімділік жатты­ғу­ларын орындау бойынша дене дайын­дық деңгейлері бағаланатын болады. Жарыстың нәтижесін Құрлық әскерлері бас қолбасшысының жа­уынгерлік даярлық жөніндегі орынбасары генерал-майор Ә.Ха­лықов бастаған қазылар алқасы бағалайды. «Егемен-ақпарат».