Дәрігердің өмірі үшін үш күн күресті бірақ бүгін ол қайтыс болды. Айдана Амантайқызы Имашеваның артында үш баласы мен күйеуі қалды.
«Қарағанды облысының денсаулық сақтау басқармасының ұжымы «Жезқазған медициналық орталығы» ЖШС медбикесі Имашева Айдана Амантайқызының туған-туыстары мен жақындарына қайғыларына ортақтасып көңіл айтады. Ол да әріптестері сияқты осыдан бірнеше күн бұрын Ақтоғай ауданында жол апатынан зардап шекті. Дәрігерлер оның өмірі үшін күресті, бірақ бүгін, 22 қыркүйекте ол көз жұмды. Айдана Амантайқызы өмірінің көп бөлігін медбике ісіне арнады. Оның кәсіпқойлығы мен акушерлік шеберлігі металлургиялық комбинат жұмысшыларының оннан астам перзентін дүниеге әкелді. Артында күйеуі мен үш баласы қалды. Айдана Амантайқызы алғыс білдірген емделушілер мен медицина әріптестерінің жадында мәңгі сақталады», деп хабарлады Қарағанды облысының денсаулық сақтау басқармасынан.
Бұдан бұрын, жол-көлік апатынан Балқаш қаласындағы «Жезқазған медициналық орталығы» ЖШС емханасының 2 дәрігері қаза болып, 8 медицина қызметкері зардап шекті. Дәрігерлер Балқаш қаласындағы «Қазақмыс» компаниясының жұмысшыларын профилактикалық қарап-тексеруден қайтып келе жатқан болатын. Олар мінген автобус МАЗ маркалы жүк көлігімен соқтығысып, жол апатына ұшырағанын хабарлаған едік.
