Хоккей. Әлем чемпионаты. Қазақстан элита дивизионмен қоштасты

АСТАНА. 18 мамыр. Қазақстан құрамасы түнде басталған Минскідегі әлем чемпионатының алтыншы турында Швейцария командасынан 2:6 болып ұтылып, элиталы дивизионмен қош айтысатын болды. Бұл туралы Чемпионат.Ру хабарлады. Біздің жігіттер чемпионаттағы ең соңғы ойынын қарқынсыз бастады. Қарсыластар үшінші кезеңнің ортасына дейін есепті 6:0-ге жеткізді. Содан кейін ғана қазақстандықтар екі шайбаның қарымтасын қайтара алды. Енді өткен жолғы есебімізден бері ойналған ойындар нәтижелерімен таныс болыңыздар: 16 мамыр. Швеция – Словакия 3:1, Финляндия – Швейцария 3:2Б. 17 мамыр. Франция – Норвегия 5:4Б, Латвия – Ресей 1:4, Дания – Чехия 4:3Б, Беларусь – Германия 5:2. Ал түнде басталған алтыншы турдың екінші ойынында Словакия Италияны 4:1 етіп ұтты. Қазір А тобында Швеция 5 ойыннан 14 ұпаймен көш бастап келе жатса, В тобында Ресей 5 ойыннан барлық 15 ұпайды алып, алдына жан салмай тұр. Дамир Қожамқұл. Дереккөз: Чемпионат.Ру. Фото: Чемпионат.Ру.