Теннис • 03 Қазан, 2022

Ел чемпиондары анықталды

32 рет көрсетілді

Елордадағы «Дәулет» теннис орта­лы­­ғында теннистен ерлер және әйел­дер ара­сында Қазақстан чемпионаты аяқталды.

Ерлер арасында финалда 22 жастағы ақтаулық теннисші Бейбіт Жұқаев топ жарды. Әлемдік рейтингте 326-орында тұрған Б.Жұқаев бас жүлде үшін өткен бәсекеде Денис Евсеевті екі сетте 7:6 (7:4), 6:4 есебімен тізе бүктіріп, екінші рет ел чемпионы атанды. Бұған дейін ол қысқы чемпионатта да үздік шыққан болатын. Осылайша, Ақтау теннис мектебінің түлегі Қазақстан теннис федерациясының президенті Болат Өтемұратовтың шешімімен Astana Open ATP 500 турнирінде жекелей сында өнер көрсетуге жолдама алды. Бұл – отандасымыздың АТР санатындағы алғашқы ең ірі жарысы. Сондай-ақ ол жұптық сында Александр Бубликпен бірге бақ сынайды. Денис Евсеев пен Григорий Ломакин де жұптық сында бәсекеге түседі.

Қарағандылық Арысланбек Айтқұлов қола жүлде үшін болған жарыста Достанбек Ташбо­ла­товты екі сетте 6:4, 6:4 есебімен жеңіп, қола жүл­деге ие болды. Әйелдер арасында Гөзал Айнит­динова Қазақстанның бірнеше дүркін жеңім­пазы Жібек Құламбаевадан 6:2, 6:1 есебі­мен айласын асырып, алтыннан алқа тақты. Ал қо­ла жүлде Мария Синицынаға бұйырды. Ол Жа­нель Рүстемованы 7:5, 6:4 есебімен сүріндірді.

Соңғы жаңалықтар

Жұмысшыларға сұраныс көп

Қоғам • Бүгін, 21:09

Аян туралы баян

Руханият • Бүгін, 21:07

Үздіктер анықталды

Футбол • Бүгін, 21:04

Франция – плей-оффта

Футбол • Бүгін, 21:01

Аяздағы апат

Аймақтар • Бүгін, 20:57

Археолог асулары

Қоғам • Бүгін, 20:54

ШҚО-да тағы бірнеше жол жабылды

Аймақтар • Бүгін, 10:42

Ұқсас жаңалықтар