Спорт • 04 Қазан, 2022

Жаңаөзендегі Азия чемпионаты

34 рет көрсетілді

KWF каратэ-до кекушинкайдан II Азия чемпионаты Рахмет Өте­сінов атындағы дене шынықтыру-са­уық­тыру кешенінде өт­ті. Ауқымды спорт до­дасының Жаңа­өзенде өткізілуі тегін емес, қазіргі таңда 161 487 мың адамға мекен болған мұнайлы қалада спортты дамытуға кө­ңіл бөлінген.

Осынша тұрғынның іші­нен тұрақты түрде спортпен 44 962 адам шұғылданады. Спортқұмарлар үшін қа­ла­да 18 спорт нысаны жұ­мыс істейді және мем­ле­кеттік бағдарлама ая­сында демеушілердің қолда­уы­мен ангарлық үлгідегі 6 көпфункционалды спорт залының және 2 спорт ке­­­­­шенінің құ­ры­­лысы жүр­гі­­зі­ліп жатыр. Ал Жа­ңаөзенде 2007 жы­лы жұмы­сын бас­­таған каратэ-до ке­кушинкай үйірмесінде қа­зіргі таңда 400-ден ас­там спортшыны 5 жат­тық­тырушы жат­тық­ты­рады. Осы уақыт­қа дейін 159 разрядты спорт­шы, 50 Қазақстан Респуб­лика­сы­­ның спорт шеберіне үміт­кер, 10 Қазақстан Рес­пуб­ликасының спорт шебері, 2 халықаралық дәрежедегі спорт шебері шықты. 2013 жылы Бек Өмірзақ және Мұ­рат Жәумітбаев Баку қала­сында өткен әлем чемпионатында каратэ-до кекушинкайдан әлем чемпионы атанса, Аманқан Қыдыржан екі дүркін әлем чемпионы атанды.

Спорт саласында ауыз толтырып айтарлық жеңісі бар, ел қоржынына үлес салған Жаңаөзенде өткен Азия чемпионатының ашы­лу салтанатына Маң­ғыстау облысының әкімі Нұрлан Ноғаев, Ха­лық­аралық каратэ федерациясының пре­зиден­ті Рамиль Габбасов, Поль­шадан арнайы келген KWF халықаралық фе­дерациясының бас хатшысы, қара белбеу 9-дан ие­гері Анджей Древняк, төрт дүркін әлем чемпионы және Қазақстанның еңбек сіңір­ген спорт шебері Илья Ильин, «Ақ жол» партиясы Маң­ғыстау облыс­тық филиа­лының төрағасы, Маң­­­ғыстау облыстық мәс­лихатының депутаты Жаң­бырбай Матаев қатысты.

– Азия чемпионатын ұйым­­дастырушылар – Каратэ-до кекушинкай фе­де­рациясына және іс-ша­­раға қолдау көрсеткен демеу­шілерге алғысымды біл­діргім келеді. Мемлекет бас­шысы Қасым-Жомарт Тоқаев Қазақстан халқына Жолдауында бұ­қаралық спортты дамы­туға ерекше на­зар аудару, спортты халық арасында танымал ету, бала­лар мен жастарды спорт сек­цияларына тарту бойынша нақты қадамдар жасау қажеттігін атап өтті. Осындай жоғары деңгейдегі спорттық жарыстар Жаңаөзенде алғаш рет ұйымдастырылып отыр. Бұл іс-шараның еліміз, өңіріміз, қаламыз үшін ма­ңызы зор. Облыста, аудан­да және қалада осындай маңызды ірі жарыстар өт­кізу халықтың спортқа деген қызығушылығын арттырады және өз кезегінде спорттың дамуына үлкен үлес қосады. Чемпионатқа қа­тысатын спортшыларға сәт­тілік тілеймін, – деді Нұр­лан Ноғаев.

Қазақстан, Иран, Тәжік­стан, Ауғанстан, Өз­бекс­тан, Қырғызстан, Сауд Ара­биясы, Ресей – барлығы 8 елден 400-ге жуық спортшы қатысқан сайыс тартысты өтті.

– Біз Мәскеуден кел­дік. Біз осы елге түрлі жиын­дарға жиі келеміз, Қазақстан спорт­­шылары да біздің іс-ша­раларымызға жиі қа­ты­сады. Командамызда 12 спортшы бар, олардың ара­сынан әртүрлі салмақ дәре­жесіндегі кейбір спортшылар жартылай финалға шықты. Бұл спорт түрінен әлемдік дең­гейде біздің бас­ты қарсы­ласымыз – Қа­­зақ­стан. Бір­неше жыл бұ­­рын Азия чемпионаты Ас­танада өтті. Ақ­тық жек­пе-жекте 14 са­нат­тың 12-сінде Ресей мен Қа­зақ­­­стан командалары кез­дес­кен болатын. Бүгінгі чем­­­­пионаттың ауқымы кең. Бізді қала халқының, жан­күйер­лердің жылы қар­сы ал­ғаны қуантады, – деді Ха­­­­лықаралық каратэ феде­рациясының президенті Рамиль Габбасов.

Жарыс қорытындысы бойынша 1-орынды Қазақ­стан спортшылары, 2-орынды Сауд Арабиясы иелен­ді, командалық есепте 3-орын­ды Қырғызстан мен Тәжік­стан өзара бөлісті.

 

Маңғыстау облысы

Соңғы жаңалықтар

Конституциялық мәртебе берілді

Қазақстан • Бүгін, 01:05

Блогер журналист емес!

Қоғам • Бүгін, 00:52

Сот жүйесін жетілдіру

Саясат • Бүгін, 00:06

Мақташылардың мұңы

Экономика • Кеше

Уақыт талабы

Қоғам • Кеше

Күрескер Гейне

Әдебиет • Кеше

Ажалды жеңген Аспан

Әдебиет • Кеше

Ағаш көшеті егілді

Аймақтар • Кеше

Ұқсас жаңалықтар