Тұмауға қарсы вакциналау басталды

Вице-министр алдағы эпиде­мия­лық маусымда Дүниежүзілік ден­сау­лық сақтау ұйымының мәліметтері бо­йынша вирустың үш штамы A (H1N1), A (H3N2) және B өзекті бо­латынын және бұлар 2021-2022 жыл­дар­ғы эпидемиялық маусымда вакцина құрамына енгізілгенін атап өтті.

«Республикада жыл са­йын тұ­мау вирусының айналымы қара­ша айынан басталып, сәуір айы­ны­ң ортасына дейін созылады. Өткен жылы елімізде ЖРВИ-мен 3,9 млн адам ауырса, 2019-2020 жыл­дар­ғы эпидемиялық мау­­сыммен салыс­тыр­ғанда респуб­ли­ка бойынша сыр­қат­танушылық 1,3 есеге өсті», деді А.Есмағамбетова.

Сондай-ақ ол биыл 19 қыркүйекте ағымдағы эпидемиялық маусымға тұ­мау мен ЖРВИ бойынша сани­та­рлық-профилактикалық, са­ни­­­тарлық-эпидемияға қарсы іс-ша­ра­ларды жүргізу туралы қау­лы­ға қол қойғанын, қаулыға сәй­кес ме­ди­­циналық ұйымдардың ағым­да­ғы жылғы 3 қазаннан бастап тұ­мау­ға қарсы иммундау кампания­сын жүргізуге, тұмаумен және ЖРВИ-мен ауыратын науқастарды қа­был­­­­дауға дайындығы, сондай-ақ зерт­­­ха­налардың тұмау мен басқа да ЖРВИ-ге зертханалық зерттеу жүр­гі­зуге да­йындығы қамтамасыз етіл­генін жет­кізді.

Бас мемлекеттік санитарлық дә­рі­гер аурудың алдын алудың ең тиімді жолы вакциналау екенін және қауіпсіз әрі тиімді вакциналар 60 жылдан астам уақыт бойы қолданылып келе жатқанын атап өтті.

Сондай-ақ биылғы бюджет қара­жа­тынан 2,1 млрд теңгеге 2,3 млн доза «ГРИППОЛ +» вакцинасы сатып алынған, вакцина құрамында алдағы маусымға қарсы штамдар бар. Бұл ДДҰ ұсынған 10%-дан республиканың жалпы халқының кемінде 12%-ын қамтуға мүмкіндік береді және мемлекеттік бюджет қа­­ражаты есебінен вакциналауды ха­­лықтың анағұрлым осал топтары алмақ. Ол санатқа медицина қыз­мет­кер­лері, медициналық ұйым­дар­да диспансерлік есепте тұр­ған балалар, жетім балалар мен ата-ана­­сының қамқорлығынсыз қалған бала­ларға арналған білім беру ұйым­дары, сәбилер үйіндегі және эпи­де­миялық көрсетілімдегі балалар жа­тады.

Жұмыс берушілер мен халықтың жеке қаражаты есебінен тұмауға қар­сы ақылы екпе жеке вакциналау ор­та­лықтарында, тұрғылықты жері бойынша емханалардың егу ка­бинет­те­рінде жүргізілмек. Тұмауға қарсы вакциналау жүргізетін медициналық мекемелердің мекенжайларын тұр­ғы­лықты жері бойынша аумақтық са­нитарлық-эпидемиологиялық ба­қылау департаменттерінен және ден­­саулық сақтау басқармаларынан бі­луге болады. Айта кету керек, бюд­жет қаражатына сатып алынған «ГРИППОЛ+» вакцинасынан басқа, Қазақ­станда тұмауға қарсы тағы 7 вакцина тіркелген, оның ішінде 3 ресейлік вакцина – Гриппол квадри, Ультрикс квадри, Флю-М, 2 голландиялық өндіріс – Инфлювак Тетра және Инфлювак, француздық Ваксигрип Тетра вакцинасы және Синовак Биотек өндірісіндегі қытай­лық тұмауға қарсы вакцина бар.

Тұмауға бей-жай қарауға болмайтынын алға тартқан А.Есмағамбетова: «Тұ­мау эпидемиялары жыл са­йын қайта оралатын және қоғамдық денсаулық сақтау саласындағы елеулі мәселе. Адамдардың көбі тұмауды ауыр сырқат ретінде қабылдамайды. Дү­ние­жүзілік денсаулық сақтау ұйы­мы­ның деректеріне сәйкес, жыл сайын тұмау мен ЖРВИ-дің 5 млн-ға дейін ауыр жағдайы тіркеледі және респираторлық аурулардан 650 мыңға дейін адам қайтыс болады», деді.

Сонымен қатар брифингте кенеттен дененің қызуы тез көтеріліп, қалтырау, әлсіздік, бұлшық еттің және бастың ауыруы, бүкіл дененің сыр­қырауы, кеуденің артқы жағы ауырып, құрғақ жөтелдің пайда болуы тұмаудың айқын асқынуының байқалғаны және басқа вирустық инфекция (ЖРВИ, аденовирустық инфекция және басқалары) кезінде әдетте катаральдық белгілер басым болатыны, яғни мұрын бітеліп, та­мақ ауырсынуы, содан кейін осы ка­та­ральдық белгілерімен қатар дене қызуы көтерілетіні айтылды.

Сондай-ақ кездесуде адамдар көп жиналатын орындарға, әсіресе жабық үй-жайларға баруды шектеу, үй-жайларды үнемі желдету, дезинфекциялық режімді күшейту, ауру адамдармен байланысты шектеу, тұмау және ЖРВИ белгілері пайда болған кезде балаларды үйде қалдыру және ұйымдастырылған ұжым­дарға (мектепке дейінгі ұйым­дар, мектептер) жібермеу, тұ­мау­­­дың өзі емес, тұмау мен жедел рес­пираторлық ин­фекциялардың ас­қынуы қауіпті болғандықтан ме­дициналық көмекке уақтылы жүгіну қа­жеттігі сияқты алдын алу шараларын еске салды.

«Жыл сайын әлем халқының 15%-ы­ тұмаумен ауырады. Бұл – әлеу­меттік маңыздылығы бойынша бар­лық аурулар арасында бірін­ші орында. Қорытындылай келе, сіз­дер­дің назар­ларыңызды тағы да вакцинаны уақ­тылы алу керектігіне, сондай-ақ қарапайым алдын алу шараларын сақтау қажеттігіне аударғым келеді», деді вице-министр.