Тағайындау • 06 Қазан, 2022

Қазақстанның БҰҰ жанындағы Тұрақты өкілі ауысты

187 рет
көрсетілді
1 мин
оқу үшін

Ақан Ақасұлы Рахметуллин Қазақстанның Нью-Йорктегі БҰҰ жанындағы Тұрақты өкілі болып тағайындалды, деп хабарлайды Egemen.kz.

Қазақстанның БҰҰ жанындағы Тұрақты өкілі ауысты

Ол 1967 жылы 2 ақпанда Алматыда туған.

1991 жылы Алматы энергетикалық институтын бітірді. Өзінің дипломатиялық мансабын 1993 жылы референт лауазымынан бастаған.

Қазақстанның Пәкістандағы, Аустриядағы елшіліктерінде, Қазақстанның Нью-Йорктегі БҰҰ жанындағы Тұрақты өкілдігінде жұмыс істеп, онда БҰҰ Бас Ассамблеясының Үшінші комитетінің, БҰҰ түрлі органдарына сайлаудың мәселелерін жүргізді, сондай-ақ Қазақстанның Вена қаласындағы ЕҚЫҰ жанындағы Тұрақты өкілдігінде қызмет атқарды.

Қазақстанның ЕҚЫҰ-ға төрағалығы кезінде Ұйымның екінші өлшемінің (экология және экономика мәселелері) жұмысын үйлестірді.

ҚР СІМ-нің Алматыдағы өкілдігінің кеңесшісі болып, Қазақстанның халықаралық ұйымдармен ынтымақтастық мәселелеріне жетекшілік етті.

Орталық аппаратта Көпжақты ынтымақтастық департаментін басқарды. 2019-2021 жылдары Қазақстанның Пәкістандағы елшісі, ал 2021-2022 жылдары Сыртқы істер министрінің орынбасары болды.

Қазақстанның Нью-Йорктегі БҰҰ жанындағы Тұрақты өкілі лауазымына тағайындалғанға дейін 2022 жылдан бастап Сыртқы істер министрінің бірінші орынбасары болды.

І сыныпты Төтенше және Өкілетті Уәкіл дипломатиялық дәрежеге ие.

Соңғы жаңалықтар

Нақты істің кезеңі

Үкімет • Кеше

Отан да, парыз да ортақ

Аймақтар • Кеше

Инфляция иірімі

Инфляция • Кеше

Шаруаның көңілі неге күпті?

Шаруашылық • Кеше