Шараның мақсаты – қарқынды терапиядағы гемокоррекцияның экстракорпоралды әдістерін дамыту жолдарын қарастыру және өзара тәжірибе алмасу. Конференция жұмысына осы саладағы жетекші мамандар мен сарапшылар, Оңтүстік Корея, Қытай, Ресей және Қазақстан нефрологтары мен анестезиолог-реаниматологтары қатысты.
ҚР ПІБ Медициналық орталығының басшысы Сәуле Кисикова, «Анестезиологтар және реаниматологтар федерациясы» РҚБ президенті Ерғали Миербеков, «Астана медицина университеті» КеАҚ ғылыми жұмыс және стратегиялық даму жөніндегі проректоры Виталий Койков конференцияның қатысушылары мен қонақтарын ашылуымен құттықтап, сәттілік тіледі.
Конференция шеңберінде сондай-ақ экстракорпоралды гемоккорекция саласындағы дәрігерлерге, анестезиолог-реаниматологтарға, нефрологтарға арнап шеберлік сыныптары ұйымдастырылды.
Іс-шара қорытындысы бойынша дөңгелек үстел барысында қатысушылар қарқынды терапиядағы экстракорпоралды детоксикацияның заманауи әдістерін, саладағы жетістіктер мен проблемаларды талқылады.
Айта кетейік, конференцияны Денсаулық сақтау министрлігінің қолдауымен ҚР ПІБ Медициналық орталығының ауруханасы, «Анестезиологтар және реаниматологтар федерациясы» республикалық қоғамдық бірлестігі және Республикалық экстракорпоралды гемокоррекция мамандарының қоғамы бірлесіп ұйымдастырды.
