Азиядағы өзара ықпалдастық және сенім шаралары жөніндегі кеңестің 4-саммиті ашылды

АСТАНА. 21 мамыр. Бүгін Шанхайда Азиядағы өзара іс-қимыл және сенім шаралары кеңесінің кезекті саммиті басталды. Оған Мемлекет басшысы Нұрсұлтан Назарбаев қатысуда. Бұл туралы egemen.kz тілшісі хабарлады. Бұл ауқымды шараға Қазақстан, Ресей, Әзербайжан, Иран, Пәкістан, Қырғызстан, Өзбекстан, Тәжікстан, Ауғанстан, Моңғолия, Шри-Ланка мемлекеттерінің басшылары және Камбоджаның премьер-министрі, БҰҰ-ның бас хатшысы келді. Сондай-ақ, бұлардың қатарында 10 халықаралық ұйымның жетекшілері бар. Шахтадағы кеншілердің қаза болуына байланысты Түркия Президенті Абдулла Гүл саммитке келе алмады. Оның орнына Түркия Сыртқы істер министрі қатысуда. Азиядағы өзара іс-қимыл және сенім шаралары кеңесінің 4-саммиті қарсаңында, яғни, кеше Қытай халық республикасының төрағасы Си Цзиньпин ресми қабылдау ұйымдастырды. Естеріңізге сала кетейік, бүгінде Азия аумағы мен 26 мүше-мемлекеттің басын біріктіріп отырған Азиядағы өзара іс-қимыл және сенім шаралары кеңесін құру туралы бастаманы Президент Нұрсұлтан Назарбаев 1992 жылы БҰҰ-ның Бас Ассамблеясының 47-сессиясында жария еткен. Жолдыбай Базар. Дереккөз: egemen.kz. Фото: Facebook.com.