Спорт • 12 Қазан, 2022

Қазақстанда жасөспірімдер арасындағы биатлоннан әлем чемпионаты өтеді

134 рет
көрсетілді
1 мин
оқу үшін

2023 жылдың 4-12 наурызы аралығында Щучье қаласындағы Ұлттық шаңғы орталығында биатлоннан жасөспірімдер арасындағы әлем чемпионаты өтеді, деп хабарлайды Egemen.kz Қазақстан Биатлоншылар Одағының баспасөз қызметіне сілтеме жасап.

Қазақстанда жасөспірімдер арасындағы биатлоннан әлем чемпионаты өтеді

Жаһанның ең мықты жас биатлоншылары бес түрлі сайыста жалпы 18 жарыстың жүлдесін сарапқа салады. Чемпионатқа әлемнің 50 мемлекетінен 800-ге жуық спортшы қатысады деп күтіліп отыр.

«Мұндай ауқымды спорттық іс-шара Қазақстанда тұңғыш рет ұйымдастырылуда. 2018 жылы Щучинск қаласында Ұлттық шаңғы орталығы ашылып, Халықаралық Биатлоншылар одағының сертификаттауынан өтті. Ірі халықаралық жарыстарды өткізуге арналған «А» санатындағы лицензияға ие болды. Биыл стадионда Ашық Азия Чемпионатын өткізгеннен кейін біз Орталықтың өзге де ірі жарыстарға дайындығын пысықтап алдық. Жеткіншектер мен жасөспірімдер арасындағы Чемпионатты өткізу – Қазақстанның биатлон тарихындағы айшықты оқиға. Аталған іс-шара нәтижесінде балалар мен жасөспірімдер арасындағы спортта серпін пайда болатынына сенімдіміз», дейді Қазақстан Биатлоншылар Одағының Президенті Ермек Қизатов.

Қазақстан жасөспірімдер құрамасының негізгі құрамы желтоқсан айында Щучинск қаласында өтетін Қазақстан Кубогының нәтижелері бойынша белгілі болады.

Соңғы жаңалықтар

Су үнемдейтін қондырғы

Технология • Кеше