Әлем • 13 Қазан, 2022

Қырғызстан өңірлік ынтымақтастықты кеңейту идеясын құптайды

49 рет көрсетілді

Қырғызстан Азия елдері арасындағы өркениетаралық диалог пен өзара түсіністікті нығайтуға ықпал ететін өңірлік ынтымақтастықты кеңейтуге атсалысады, Бұл туралы Қырғызстан президенті Садыр Жапаров бүгін, 13 қазанда Астанада өткен Азиядағы өзара іс-қимыл және сенім шаралары жөніндегі кеңестің VI саммитінде мәлімдеді, деп хабарлайды Egemen.kz.

Садыр Жапаров биыл АӨСШК форумы аясындағы ынтымақтастыққа 30 жыл толғанын еске салды.

«30 жыл ішінде АӨСШК түрлі өркениеттер мен өңірлерді қамтитын көпжақты форум ретіндегі тұжырымдамадан Азия аймағында қауіпсіздік саласындағы диалог пен ынтымақтастық үшін тиімді платформа құруға дейін дәйекті жолдан өтті», деді ол.

Жапаров Қырғызстан Қазақстанның АӨСШК-ге төрағалық ету миссиясын жалғастыру туралы шешімін толық қолдайтынын, бұл оның қызметінің тиімділігін арттыруға бағытталған жоспарларды іске асыруға мүмкіндік беретінін атап өтті.

Қырғызстан президентінің айтуынша, Бішкек өркениетаралық диалогқа және Азия өңірі елдері арасындағы өзара түсіністікті нығайтуға ықпал ететін ынтымақтастықты кеңейту идеясын құптайды.

«Бүгінгі таңда біздің формат кеңістігінде жаңа гибридті нысандарда көрінетін дәстүрлі сын-қатерлер әлі де сақталуда. Мәселен, коронавирустық пандемияның әсерінен әлі толық қалпына келе алмаған әлемдік экономика қазір халықаралық шиеленістерге байланысты жаңа күйзелістерге ұшырауда. Өкінішке қарай, беделді өңірлік ұйымдар Азиядағы тұрақтылыққа тікелей әсер ететін қақтығыстардың алдын алу үшін қолда бар мүмкіндіктер мен тетіктерді іске асыру жолында жеткіліксіз жұмыс атқарып жүр», деді Жапаров.

Қырғыз көшбасшысының айтуынша, жаһандық әлемдегі қауіпсіздік мәселелері өңір елдері арасында екіжақты және көпжақты деңгейде сенімді ынтымақтастықты құруға және тереңдетуге шақырады.

«Терроризм мен экстремизмге қарсы күрес үшін ғана емес, есірткі мен қару айналымы, адам саудасы, қылмыстық кірістерді жылыстату және киберкеңістікте заңсыз қызметпен айналысатын трансұлттық ұйымдасқан қылмысқа қарсы халықаралық күш-жігерді жандандыруға шақырамыз. Қазіргі уақытта Қырғызстан ШЫҰ аясында Бішкекте халықаралық ұйымдасқан қылмысқа қарсы іс-қимыл орталығын құру мәселесін пысықтап жатыр», деді ол.

Соңғы жаңалықтар

Мұнай бағасы 16% төмендейді

Экономика • Бүгін, 11:30

Бүгін ауа райы қандай болады?

Ауа райы • Бүгін, 09:33

Елімізде 49 адам індет жұқтырды

Коронавирус • Бүгін, 09:14

Сайындағы су дауы

Аймақтар • Бүгін, 08:50

Топ жарған үш ғалым

Білім • Бүгін, 08:45

Қырғыздың өңіндей...

Өнер • Бүгін, 08:35

Ана мен бала амандығы

Медицина • Бүгін, 08:35

Саяси алаңдағы ұстаным

Сайлау • Бүгін, 08:25

Ұқсас жаңалықтар