10-сыныпта білім алып жүрген қыз Талғар ауданына қарасты Жалғамыс ауылдық орта мектебінде оқыған. Оның өз-өзіне қол жұмсауына не себеп болғаны белгісіз.
Куәгерлердің айтуынша, қайғылы жағдай мектепке жақын жерде болған.
«Жалғамыс ауылында 2022 жылдың 15 қазанында оқушы суицид жасаған. Қайғылы оқиға сабақтан тыс уақытта болған. Қайтыс болған оқушының отбасына қайғырып көңіл айтамыз. Білім басқармасы қажетті көмек көрсетеді. Қазіргі уақытта құқық қорғау органдары тергеу шараларын жүргізуде», деді Алматы облыстық білім басқармасының баспасөз қызметі.
