![Тұрғындар газға зәру](/media/2022/10/27/1dcbf463-c3a9-4549-8917-8fc6dd36f356.jpg)
Ақтөбенің осы аудандарының тұрғындары инфрақұрылым жоқтығы есебінен ұзақ уақыт бойы қиындықтарға тап болуда. Мәселен, «Жаңақоныс-4» тұрғын үй кешендерінің тұрғындары 2018 жылдан бастап газдың берілуін күтіп отыр. Жергілікті билік биыл қыркүйек айының соңына дейін газ тартуға уәде берген. Бүгінде газ әлі де пайдалануға берілмеген. Одан бөлек, тұрғындар жолдың нашарлығына арыздануда. «Аудан әкімдігі бізге жолдарды толтыру үшін қиыршық тас тиелген 56 КамАЗ бөлуге уәде берген еді. Олардың тек екеуі ғана келді», дейді «Жаңақоныс-4» тұрғын үйдегі кездесуге қатысушылардың бірі.
Нұрлан Әуесбаев «Батыс-2» шағын ауданында да жағдайдың мәз еместігіне көз жеткізді. Тұрғындармен әңгімелесу барысында ол өз бағдарламасында қазақстандықтардың өмір сапасының стандартын енгізуді көздейтінін атап өтті. Онда адамның дұрыс тамақтануы, дәрі-дәрмек, коммуналдық қызметтер сияқты қажеттіліктер ескеріледі. Зерттеу барысында анықталған азаматтардың әрбір жеке тобы үшін негізгі көрсеткіштерге қол жеткізу бойынша арнайы бағдарламалар әзірленбек. Нұрлан Әуесбаев өзінің сайлауалды бағдарламасында түрлі деңгейдегі әлеуметтік қолдаудың желісін құруға ниетті екенін айтты.