Алғашқы айналымында қазақстандық жұп түркиялық Нехир Доган – болгариялық Эмма Фантусиспен шеберлік байқасты.
Кенжебаева мен Рүстемова тартысты бәсекеде жеңісті жұлып алды. Есеп – 4:6, 6:0, 10:4. Қазақстандық жұптың ширек финалдағы қарсыласы кейін анықталады.
Қазақстандық теннисшілер жекелей сында да сәтті өнер көрсетуде. 17 жастағы Аружан Сағандықова іріктеу сайыстарының финалында швециялық Нора Свенсонды тізе бүктірді – 6:2, 7:6 (7:3). Ал 18 жастағы Жанель словениялық Брина Сулиннің меселін қайтарды. Есеп – 6:3, 6:4. Енді олар негізгі додада бақ сынайды.
Қазақстан теннис федерациясының жазуынша, жарыстың жүлде қоры 15 мың АҚШ долларына бағаланған.
