Теннис • 03 Қараша, 2022

Жас теннисшілер Түркияда сәтті өнер көрсетті

172 рет
көрсетілді
1 мин
оқу үшін

Қазақстандық теннисшілер Түркияның Анталия қаласында өтіп жатқан ITF World Tennis Tour W15 турнирінің екінші айналымына жолдама алды, деп хабарлайды Egemen.kz ҚТФ баспасөз қызметіне сілтеме жасап.

Жас теннисшілер Түркияда сәтті өнер көрсетті

Қазақстандық Жанель Рүстемова бастапқы кездесуін Түркия өкілі Лейла Елмазға қарсы өткізіп, 6:3, 6:0 есебімен жеңіске жетті.

Енді екінші айналымда жас теннисші жарыстың 5-ші ракеткасы, ресейлік Анна Урекемен шеберлік байқасады.

Тағы бір қазақстандық Аружан Сағындықова үш сетке созылған тартысты бәсекеде швейцариялық Катерина Цыгурованы 5:7, 7:5, 6:4 есебімен ойсырата жеңді.

«Ширек финалға жолдама алу үшін Аружан швециялық Юлия Локвистпен кездеседі. Ол сонымен қатар жұптық сында да сәтті өнер көрсетіп келеді. Сағындықова тайбэйлік Ю-Юн Лимен бірге чехиялықтар Изабелла Хензова – Луча Застерованы 6:2, 7:6 (7:2) есебімен тізе бүктіріп, ширек финалға жолдама алды», делінген ҚТФ хабарламасында.

Ал Сандуғаш Кенжебаева алғашқы айналымда жекелей сында чехиялық Дениса Хардинковаға 1:6, 1:6 есебімен есе жіберді.