Бірлескен іс-шаралар барысында теңіз кеңістігінде 68 жүзу құралын мінген 153 құқық бұзушы ұсталды (шекаралық тәртіпті бұзғандар – 79, аймақтық және ішкі сулар тәртібін бұзғандар – 71, мемлекеттік шекара тәртібін бұзғандар - 3).
«Ұзындығы 400 шақырымға жуық браконьерлік жолмен балық аулауға арналған тор және 17 мың ілмек алынды. Табиғи тіршілік ортасына 946 бекіре тұқымдас және 5 321 ұсақ тұқымдас балық түрлері мен 54 итбалық қайтарылды», делінген ведомство хабарламасында.
Іс-шара нәтижесінде 1,82 миллиард теңге көлеміндегі залалдың алды алынды. Қазақстан Республикасының заңнамаларын бұзғандарға 3,3 миллион теңгеден астам айыппұл салынды.
