«2022 жылдың қазан айында облыс орталығының аумағында көші-қон қызметінің қызметкерлері 2017 жылдан бастап азаматтық заңнаманы бұзған Италия азаматын анықтады», деп мәлімдеді Қостанай облысы ПД көші-қон қызметінің бастығы Қайрат Дүтпаев.
Бұрынғы қазақстандық шетел азаматтығын алу фактісі туралы уақытында хабарламағаны үшін, Қостанайдың әкімшілік істер жөніндегі мамандандырылған соты оны Қазақстаннан шығару туралы шешім қабылдаған. Сот шешімі 4 қарашада жария етіліпті.
Айта кетейік, азаматтар өзге мемлекеттің азаматтығын алған сәттен бастап күнтізбелік 30 күн ішінде Қазақстан Республикасының Ішкі істер органдарын немесе шетелдік мекемелерін заң жүзінде хабардар етуі міндетті.
