«Сиань қаласында (Қытай Халық Республикасы) Қазақстан Республикасының Бас консулдығы ашылсын», делінген құжатта.
ҚР Үкіметіне Жарлықтан туындайтын қажетті шараларды қабылдау тапсырылды.
Жарлық қол қойылған күннен бастап қолданысқа енгізіледі.
СІМ түсіндіргендей, Сиань қаласында ҚР Бас консулдығының ашылуы бірінші кезекте республиканың осы бағыттағы консулдық қызметін күшейтеді, сондай-ақ өңірде сауда-экономикалық және инвестициялық ынтымақтастық (қазақстандық экспортты ілгерілету, инвестициялар тарту және бірлескен кәсіпорындар құру) саласындағы жұмысты жүйелі негізде құруға мүмкіндік береді.
