Спорт • 08 Қараша, 2022

Ақмарал Науатбек пара дзюдодан әлем чемпионы атанды

366 рет
көрсетілді
1 мин
оқу үшін

Астаналық спортшы Ақмарал Науатбек (-48кг J2) пара дзюдодан Бакуде өтіп жатқан әлем чемпионатының жеңімпазы атанды, деп хабарлайды Egemen.kz.

Ақмарал Науатбек пара дзюдодан әлем чемпионы атанды

Финалда жерлесіміз паралимпиада ойындарының екі дүркін жүлдегері, франциялық Аурериес Мартинет Сандриннан басым түсіп, ел қоржынына тарихымыздағы алғашқы әйелдер арасындағы алтын медальді сыйлап отыр.

Осылайша жерлесіміз Ақмарал Науатбек пара дзюдодан әлем чемпионатында топ жарып, ел қоржынына тарихымыздағы алғашқы әйелдер арасындағы алтын медальді сыйлап отыр.

Тәуелсіз Қазақстанның тарихында тұңғыш рет пара дзюдодан әлем чемпионатында алтын медальді 2018 жылы 60 кг салмақта Олжас Оразалыұлы еншілеген болатын.

Естеріңізге сала кетейік, пара дзюдодан әлем чемпионаты Бакуде 8-11 қараша аралығында өтуде. Әлемнің 40-тан астам елінен 300-ден аса спортшы бақ сынап жатқан байрақты бәсекеде ел намысын 18 парадзюдошы қорғауда. Оның екеуі Астана қаласының спортшылары.

Бұған дейін, елордалық қос парадзюдошы Баку қаласында өтіп жатқан әлем чемпионатының финалына жолдама алғандығын жазған болатынбыз. Олардың бірі Ақмарал Науатбек болса, екіншісі ерлер арасында 73 келіде өнер көрсететін жерлесіміз Ерғали Шамей. Балуанымыз бүгін боз кілемге шығады.