«Абай, Жамбыл, Шығыс Қазақстан, Қарағанды, Ұлытау облыстарында және елордада өрттер жиілегені байқалды», деді Әлихан Смайылов.
Министрлер кабинетінің басшысы көп жағдайда пеш, газ және электр жылыту кезінде қарапайым қауіпсіздік талаптарын бұзу алапат өртке алып келуі мүмкін екенін айтты.
«Осы бұзушылықтарға неғұрлым тиімді ден қою жүйесін құруға бағытталған шаралар қабылдау қажет. Инспекциялардың өкілеттіктерін күшейту бойынша жұмыс жүргізу қажет. Азаматтар анықталған бұзушылықтарды жоюға және болашақта оларды болдырмауға мүдделі болуы керек. Сонымен қатар автономды қазандықтарды тұрғын үйлерден қауіпсіз қашықтыққа шығару мәселесі бірнеше рет көтерілді. Бұған да назар аудару қажет», деді Әлихан Смайылов.
Премьер-Министр өңірлердің әкімдері бұл мәселені толығымен шешіп, тиісті шаралар қабылдауы тиіс екенін атап өтті.
