«Биыл өңірлерге 3,3 трлн теңге сомаға нысаналы трансферттер көзделген. 1 қарашадағы жағдай бойынша 2,6 трлн теңге, яғни қаржының 94,1%-ы игерілді», деді Ерұлан Жамаубаев.
Министр ұсынған мәліметтерге сәйкес, Астана қаласы, Маңғыстау, Батыс Қазақстан және Ақтөбе облыстары қаржыны толық игермеген.
«Бұнын негізгі себептері - жобалау-сметалық құжаттаманы түзету, орындалған жұмыстар актілерін уақытылы ұсынбау, конкурстық рәсімдерді ұзақ уақыт өткізу, қазынашылық органдарына төлем шотын кеш ұсыну», деп түсіндірді ол.
