![Оралда қонақ үйден ер адамның мәйіті табылды](/media/2022/11/17/crop-3_3_190x314_i-800x480.jpg)
«16 қарашада сағат таңғы 08:10 уақыт шамасында Абай ауданының полициясына қаладағы қонақ үйлердің бірінде ер адамның өлі денесі табылғаны туралы хабарлама түсті. Оқиға орнына жедел-тергеу тобы барып, 35 жастағы азаматтың мәйітін анықтады», деп жазды ІІМ ресми сайты.
Анықталғандай, оқиға орнында 28 жастағы әйел адам болған. Ол қылмыс жасағанын мойындап, қазір оқиғаның мән-жайы анықталуда.
Аталған факті бойынша ҚР ҚК-нің 99-бабы 1-бөлігі (Адам өлтіру) бойынша сотқа дейінгі тергеу амалдары басталды. Күдікті Орал қаласы полиция басқармасында уақытша ұстау изоляторына қамауға алынды.