Қазақстан • 26 Қараша, 2022

Тоқаев: Қазір – сайлаудағы жеңісті тойлайтын кез емес

68 рет көрсетілді

Ұлықтау рәсімінде Қасым-Жомарт Тоқаев ең алдымен қолға алатын бірнеше мәселеге арнайы тоқталды, деп хабарлайды Egemen.kz.

«Қазір – сайлаудағы жеңісті тойлайтын кез емес, аянбай еңбек ететін кез. Сол себепті, арқаны кеңге салмай, бірден іске кірісуіміз керек, босаңсуға болмайды. Осы орайда, ең алдымен қолға алатын бірнеше мәселеге арнайы тоқталғым келеді.

Мен сайлауалды сөздерімде ауылды өркендету ісіне баса назар аудардым. Бүгінде Қазақстан халқының 40 пайызға жуығы ауылда тұрады. «Ауыл – ел бесігі» деп халқымыз бекер айтқан жоқ. Сондықтан, ауылдағы жағдайды жақсарта алмасақ – бәрімізге сын. Сол үшін мен бүгін ауылды дамыту мәселесі туралы Жарлыққа қол қоямын. Осы құжат арқылы Үкіметке ауылды дамытудың 5 жылға арналған нақты жоспарын әзірлеуді тапсырамын», деді Президент.

Бұл Мемлекет басшысының жаңа президенттік мерзімдегі бірінші Жарлығы болады.

«Үкімет ауылды дамытуға арналған барлық жобаны жүйелі түрде реттеп, жинақтауға тиіс. Содан кейін мақсатты түрде тиімді жұмыс жүргіземіз», деді Қ. Тоқаев.

Соңғы жаңалықтар

Ұқсас жаңалықтар