Аймақтар • 29 Қараша, 2022

Екібастұз тұрғындары бір ай бойы интернетті тегін пайдаланады

36 рет көрсетілді

Павлодар облысының тұрғындарына тегін ұялы байланыс ұсынылды. Енді 160 мыңнан астам абонент бір ай бойы тегін қоңыраулар мен тегін мобильді интернетпен пайдалана алады, деп хабарлайды Egemen.kz Цифрлық даму, инновациялар және аэроғарыш өнеркәсібі министрлігінің баспасөз қызметіне сілтеме жасап.

Екібастұзда жарияланған төтенше жағдай режиміне байланысты министрлік мобильді операторларды Екібастұз бен Павлодар облысының тұрғындарына қолдау көрсетуге шақырып, акцияға бастамашылық жасады.

Осылайша, Екібастұзда Tele2/Altel қолданатын 17 мың  абонент 45 минут тегін қоңырау мен ұялы нөмірлерге 45 тегін SMS, сондай-ақ 8 Гб интернет-трафик алады. Бұл пакет 28 қарашадан бастап 30 күн бойы жарамды болады.

Павлодар облысында тұратын Kcell абоненттеріне 4 Гб интернет-трафик пен басқа мобильді операторлардың нөмірлеріне 20 минут тегін қоңырау ұсынылған. Бонустық ресурстар 7 күн бойы жарамды болады.

Соңғы жаңалықтар

Алматыда екі автобус соқтығысты

Аймақтар • Бүгін, 11:33

Ұқсас жаңалықтар