Экономика • 02 Желтоқсан, 2022

Қапталған су мен сусындар енді таңбаланбайды

122 рет көрсетілді

Кеше Премьер-Министрдің орынбасары – сауда және интеграция министрі Серік Жұманғарин «Атамекен» Ұлттық Кәсіпкерлер палатасының алаңында бизнеспен таңбалау мәселелерін талқылады, деп хабарлайды Egemen.kz министрліктің баспасөз қызметіне сілтеме жасап.

Талқылау барысында зергерлік бұйымдарды, қапталған су мен сусындарды, аяқ киімді таңбалау, фармацевтикалық тауарларды таңбалау мәселелері көтерілді.

Кездесуде қапталған су мен құрамында қант бар сусындарды таңбалаудың пилоттық жобасы қорытындыланды. Жобаға 13-ке жуық кәсіпорын қатысты.

«Пилоттық жобаның қорытындысы бойынша таңбалауға арналған жабдықтардың, баспаханалардың болмауы, контрафактінің болуы, сондай-ақ өндірушілерге қаржылық жүктеме салдарынан шығарылатын өнімнің қымбаттауы сынды бірқатар кемшілік анықталды. Талқылау нәтижелері бойынша бизнес-қоғамдастықпен ел ішінде міндетті таңбалауды енгізудің орынсыздығы туралы шешім қабылданды», деді Серік Жұманғарин.

Естеріңізге сала кетейік, тауарларды цифрлық таңбалау жүйесін енгізудің негізгі мақсаттарының бірі көлеңкелі импортқа қарсы күрес болды. Статистика деректері бойынша, Қазақстанға аяқ киім импорты 34,8% - ға, 2019 жылғы 39,5 млн жұптан 2021 жылы 53,2 млн жұпқа дейін ұлғайды. ҚР ҚМ МКК деректері бойынша 2021 жылы аяқ киім әкелуден кедендік баждар мен салықтарды төлеу сомасы 2019 жылмен салыстырғанда екі есеге өсіп, 30 млрд теңгені құрады.

2022 жылдың 8 айында кедендік баждар мен салықтарды төлеу сомасы 14 млрд теңгені құрады.

Мамандандырылған дүкендердегі аяқ киім мен былғары бұйымдарының бөлшек саудасынан түсетін салық түсімдері 2019 жылғы 2,7 млрд теңгеден 2021 жылы 7,9 млрд теңгеге дейін 2,9 есеге жуық өсті.

2022 жылдың 8 айында салық түсімдері 6,8 млрд теңгені құрады.

Айта кету керек, бүгінгі таңда таңбалау бизнес үшін жеңілдіктерді ескере отырып, толық көлемде жұмыс істемейді.

Талқылау қорытындысы бойынша «Атамекен» Ұлттық Кәсіпкерлер палатасы төралқасының төрағасы Райымбек Баталов аяқ киім мен фармацевтикалық өнімдерді таңбалау мәселелері бойынша тағы да жеке кездесу ұйымдастырылатынын атап өтті. Талқылауға 20-дан астам бизнес және қауымдастық өкілдері қатысты.

Соңғы жаңалықтар

Жаңа бағыт

Саясат • Кеше

Өрт: қауіп пен сақтық

Төтенше жағдай • Кеше

Тұлға туралы туынды

Әдебиет • Кеше

Жолбарыс жымы

Әдебиет • Кеше

Ел сенімін жалғаған жоба

Экология • Кеше

Желаяқтар Астанада жиналады

Жеңіл атлетика • Кеше

Жәнібекті жекпе-жекке шақырды

Кәсіпқой бокс • Кеше

Ұқсас жаңалықтар