Саяси маман даярлау бағдарламасы

Қазақстанның әр өңірінен кон­курс­тық негізде іріктеліп алын­­ған 50 қатысушы бір апта ішін­де қарқынды оқу курсынан өтті. Бұл – көпшілік алдында сөз сөйлеу, саяси коммуникация, жобаларды басқару, көшбасшылық бойынша тренингтер, сондай-ақ Қазақстанның қазіргі саяси құрылымы туралы дәрістер.

Дәрістің соңғы күнінде «Amanat» партиясының атқару­шы хатшысы Асхат Оралов қатысу­шы­лармен кездесіп, мектептің басты міндеттері, маман даярлау мәселесіне қатысты көзқарасымен бөлісті.

– Мемлекет басшысы Қасым-Жомарт Тоқаевтың тапсырмасына сәйкес биыл наурыз айынан бас­тап академия саяси мамандарды даяр­лау ісінің жаңа тәсілдерін енгізе отырып, өз жұмысын түбегейлі өзгертті. Бұдан былай мамандар тек онлайн режімде ғана емес, сонымен қатар офлайн форматта да оқытылады. Негізінен, оқу жұмысы өңірлерде өткізіледі. Мысалы, сайлау алдында академия базасында 30 мыңнан астам байқаушы оқытылды. Бұған дейін біз екі мыңнан астам ауыл әкімін оқыттық. Көшбасшы әйел­дерге арналған «Tomiris» сабақ бағ­дар­ламасын іске қостық. Оқыту процесі тоқтамайды. Пар­тия­лық­тардың үздіксіз дамуына, заманауи білімге, дағдыға ие болуына мүдделіміз, – деді Асхат Оралов.

Оқу бағдарламасына Семей қаласынан келіп қатысқан Қорлан Туғамбаева алған білімі болашақта өзіне мансап құруға көмектеседі деп санайды.

– Оқу барысында кәсіби тренерлер, белгілі саяси, қоғам қайраткерлері өз тәжірибесімен бөлісті. Олар қазіргі уақытта жас сая­саткердің бойында қандай қа­сиеттер болуы керек екенін тү­сін­­діріп, көпшілік алдында қа­лай сөйлеген дұрыс деген тақы­рып төңірегінде өз ойын жеткізді, – деді ол.

Рауан Байғабыл есімді Алма­ты­дан келген қатысушы да жоба туралы өз пікірін білдірді.

– Сабақ өте қызықты форматта өтті. Біз бірнеше топқа бөлініп, әртүрлі тақырып бойынша тапсырма орындадық. Еліміздің саяси құрылымы және онда болып жатқан реформалар туралы қызықты дәрістер тыңдадық, – деді ол.

Жобаға қатысушылар Парла­мент Мәжілісінде болып, депутат­тар­мен, партия фракциясының мүшелерімен кездесті.

Бұған дейін, жобаға қатысу­шылар Оқу-ағарту министрі Асхат Ай­мағамбетовпен кездес­ті. Сала басшысы минис­тр­лік қызметінің негізгі бағыт­та­рын түсіндіріп, Қасым-Жомарт Тоқаевтың сайлауалды бағдар­ла­ма­сының білім беру саласын іске асыру жұмысына егжей-тегжей тоқталды.