Тағайындау • 07 Желтоқсан, 2022

Павлодар облысының әкімі тағайындалды

112 рет көрсетілді

Мемлекет басшысының Жарлығымен Байханов Асайын Қуандықұлы Павлодар облысының әкімі лауазымына тағайындалды, деп хабарлайды Egemen.kz Президенттің баспасөз қызметіне сілтеме жасап.

Байханов Асайын Қуандықұлы 1978 жылы Павлодар облысының Баянауыл ауданында дүниеге келген.

Асайын Байханов еңбек жолын Қазақстандағы еуропалық қайта құру және даму банкінің (ЕҚДБ) бағдарламасы бойынша банк секторында жұмыс істей бастады. Алдымен Екібастұзда несие сарапшысы болды, кейін Алматыда ЕҚДБ бағдарламасының бас офисінің бөлім бастығына дейін өсті. Кейін Байханов Procredit Holding AG неміс халықаралық банк холдингінде жұмыс істеді, соның ішінде оның украиналық қаржы мекемесінің (Киев) атқарушы директоры болды. Қазақстанға оралғаннан кейін Асайын Байханов «Нұрбанк» басқарма төрағасының орынбасары лауазымына тағайындалды.

Тоғыз жыл жұмыс істегеннен кейін банк секторынан шығып, ауыл шаруашылығында кәсіпкерлік қызметпен айналысты. Алты жылын АӨК бизнесіне арнады. Кейін квазимемлекеттік секторда болып, «ҚазАгроның» еншілес компанияларының бірі төрағасының орынбасары болды. Осы қызметте бес жыл еңбек еткеннен кейін туған жеріне оралып, Павлодар облысы әкімінің орынбасары болып тағайындалды. Аймақ басшысының орынбасары бола отырып, ауыл шаруашылығы мен жер қатынастарына жауапты болды.

Соңғы жаңалықтар

Ұқсас жаңалықтар