Бұл автобустар – Саран қаласындағы «QazTehna» ЖШС автобус зауытынан шыққан. Зауыт басшылығының мәлімдеуінше, көлік қауіпсіздік талаптарына толық сәйкес келеді. Сонымен қатар балаларға ыңғайлы болу үшін сөмке қоятын орын да қарастырылған. Орындықтарда қауіпсіздік белдіктері, есік ашық қалған жағдайда қозғалуға мүмкіндік бермейтін механизм, пандус орнатылған.
Автобустар сағатына 60 шақырымға дейінгі жылдамдықпен ғана жүре алады. Өйткені онда арнайы жылдамдықты шектеу бар.
Ал мектептерге келсек, алдағы үш жыл ішінде облыста 22 мектеп бой көтермекші. Оның 16-сы «Жайлы мектеп» ұлттық жобасы негізінде салынады. Бұған қоса ерекше балалардың да жағдайы ескерусіз қалмақ емес. Мәселен, олар үшін осы жылы 5 арнайы ұйым ашылғанын атап өткен жөн.
Қарағанды облысы
