Төрт адамнан тұратын жұмыскер тобы жерасты кен орнында жұмыс жүргізді. Марқұм кабельді жер астына орнатқан. Кенет адамның үстінен көп тонналық экскаватор өтіп кеткен. Жұмысшы алған жарақатынан оқиға орнында көз жұмған..
Оқиға 20 желтоқсанда Мұғалжар ауданында болған. Марқұм алтын өндіруші компанияның қызметкері болып шықты. Төтенше жағдайдан кейін жұмысшыны жер астынан шығарды, бірақ дәрігерлер оның қайтыс болғанын хабарлады.
Жүргізуші полицияға түсініктеме берді. Оның айтуынша, ол қараңғыда адамның сұлбасын байқамаған.
Қайғылы оқиғаның барлық мән-жайын арнайы комиссия зерттеп жатыр.
«Экскаватор жүргізушісі жұмысшыларды көрмей, энергетикті қағып кеткен. Ол жәбірленушіні шөмішпен басқан. Жұмысшы топырақ пен шелектің арасында қалды», деді Ақтөбе облысы бойынша еңбек инспекциясы жөніндегі басқармасының басшысы Қуаныш Қамиев.
