Денсаулық сақтау министрінің орынбасары Вячеслав Дудниктің айтуынша, елімізде ЖРВИ және тұмау жұқтырғандар саны күрт көбейген.
«Санитарлық қызметтің мәліметінше, эпидемия басталғалы бері, яғни 1 қазаннан бастап ЖРВИ-дің 2 млн 100 мыңнан астам жағдайы тіркелді. Оның ішінде 14 жасқа дейінгі балалар арасында - 1 млн 370 мың жағдай анықталды. Біз патогенді зерттедік. Нәтижесінде, В тобындағы вирус таралып, ол барлық дерлік аймақтарда байқалатыны анықталды. Сондай-ақ суық тиюмен сырқаттанушылықтың өсуі өткен жылғы көрсеткіштерден орта есеппен 10%-ға жоғары», деп нақтылады министрдің орынбасары брифинг барысында.
