Жолдарда ТЖ жою жөніндегі республикалық штаб құрылды. Осыған ұқсас штабтар өңірлерде жұмыс істеп жатыр. Блок-бекеттерде 1000 бірліктен астам автокөлік құралдары жиналды.
Соңғы тәулікте құтқару бөлімшелерімен 725 адам құтқарылды. Оның ішінде 137 бала, 124 бірлік техника қар құрсауынан шығарылды.
Халықты эвакуациялау үшін автожолдардың жабық учаскелерінде уақытша жылыту пункттері дайындалды. Сондай-ақ эвакуациялау үшін 200 бірлік техника дайын тұр.
Уақытша жылыту пункттерінде 200-ден астам адам, оның ішінде 16 бала бар.
