Оның ішінде зардап шеккен 6 кәмелетке толмаған бала бар. Мысалы, елордада 1 қаңтарда түнде үйдің ауласында ер адамды екі кәмелетке толмаған баласымен бірге отшашуды қолданған кезде күйік шалған. Тағы бір оқиға Астанада Нәжімеденов көшесінде тіркелді. Пиротехниканы дұрыс қолданбау салдарынан балкон өртеніп кетті. Зардап шеккендер жоқ.
Ішкі істер министрлігі 25 желтоқсан мен 3 қаңтар аралығында республика бойынша «Пиротехника» жедел-профилактикалық іс-шарасын өткізгенін атап өткен жөн. Мақсаты – жаңа жылдық мереке қарсаңында қоғамдық қауіпсіздікті қадағалау. Осы күндері полицейлер мен Төтенше жағдайлар департаменті қызметкерлері жеке және заңды тұлғалардың азаматтық пиротехникалардың айналымына және оның қауіпсіздік ережелерін сақтауына қадағалау жұмыстарын жүргізді. Мәселен, пиротехникалық бұйымдарды сату ережелерін бұзғаны үшін 842 адам әкімшілік жауапкершілікке тартылды, оның ішінде ӘҚБтК-нің 196-бабы (Заңсыз сауда) бойынша – 829, 436-бап бойынша (Бөлінбеген орындарда қолдану) – 11, 483-бап бойынша (Сақтау және тасымалдау тәртібін бұзу) – 2 адам. Жалпы, жедел-профилактикалық іс-шарасының нәтижесінде барлығы 16 400 сертификатталмаған пиротехникалық өнім тәркіленген.
