«Қазақстан Үкіметінің қаулысымен Александр Сергеевич Данилов берілген өтінішке сәйкес Ақпарат және қоғамдық даму вице-министрі қызметінен босатылды», делінген Primeminister.kz сайтының хабарламасында.
Александр Данилов 1991 жылы 16 желтоқсанда Қарағандыда дүниеге келген.
Ол Қарағанды мемлекеттік техникалық университетін және Л.Н.Гумилев атындағы Еуразия ұлттық университетін бітірген.
Еңбек жолын қоғамдық секторда бастаған, әр жылдары бірқатар жастар қоғамдық ұйымдарының басшысы болды. Сондай-ақ жеке ұйымдарда басшылық қызметтер атқарды. 2020 жылдың шілдесінен 2022 жылдың қаңтарына дейін Stopfake.kz жобасының жетекшісі болды.
2022 жылдың қаңтар айынан бастап қазіргі уақытқа дейін Ақпарат және қоғамдық даму вице-министрі қызметін атқарды.
