Суыт хабар қалалық полиция басқармасының жедел басқару орталығына жетінші қаңтар күні таңғы сағат 05:30-да келіп түскен. Оқиға болған үйдің тұсынан өтіп бара жатқан тұрғындардың бірі бейтаныс қыздың бесінші қабаттан құлап бара жатып, балконның темір қоршауынан ұстап үлгергенін хабарлайды.
Осылайша, оқиға орнына патрульдік полиция қызметкерлері Алмат Әмірхан мен Руслан Қапсаматов шұғыл жетеді. Алмат Әмірхан сыртта қалып, әріптесі дереу бесінші қабатқа қарай жүгіре жөнеледі. Бар ойы – жедел қимылдап балконға ілініп тұрған қызды құтқарып қалу.
Алайда қары талып, нәзік саусақтары жазыла берген қыз дәл осы сәтте жерге қарай құлдилай жөнелген. Төменнен көз жазбай қарап тұрған Алмат Әмірхан құлап келе жатқан қызды қапсыра құшақтап, ұстап қалмаққа ұмтылады. Алайда 10-11 метрлік биіктен құлаған адамды қағып алу оңай ма, ажалға қарсы төсін төсеген полицей қызды құшақтай жерге құлайды. Руслан 29 жастағы қала тұрғынын ажалдан осылай арашалап қалды.
Жоғары қабаттан құлаған қыздың он екі мүшесі сау, еш жері зақымданбаған. Ал бірнеше жерден жарақат алған патрульдік полиция қызметкері Алмат Әмірханға дәрігерлер көмек көрсетті.
Қостанай облысы
