![ҮЕҰ-ға мемлекеттік гранттар беру конкурсы басталды](/media/2023/01/12/crop-276_108_391x793_da851d074ed33ec9e1aa6093dca11f0c_1280x720.jpg)
Конкурс 47 мемлекеттік грантты іске асыруға, оның ішінде 22 қысқа мерзімді, 16 орта мерзімді және 9 ұзақ мерзімді жоба 6 сала бойынша жарияланды:
1) халықтың әлеуметтік тұрғыдан осал топтарын қолдау;
2) азаматтық қоғамды дамытуға, оның ішінде үкіметтік емес ұйымдар қызметінің тиімділігін арттыруға жәрдемдесу;
3) азаматтар мен ұйымдардың құқықтарын, заңды мүдделерін қорғау;
4) қоғамдық келісімді және жалпыұлттық бірлікті нығайту;
5) жастар саясаты мен балалар бастамаларын қолдау;
6) отбасылық-демографиялық және гендерлік мәселелерді шешуге жәрдемдесу.
Барлық өтінімдер [email protected] электрондық поштасы арқылы қабылданады. Сондай-ақ операторға өтінімді (құжаттарды) қолма-қол тапсыруға да болады.
Азаматтық бастамаларды қолдау орталығының кеңсесі: Астана қаласы, Қабанбай батыр даңғылы, 11/5, 5 қабат, 504/3 кабинетте орналасқан.
Қысқа мерзімді және орта мерзімді гранттарға өтінімдер операторға 12 қаңтар - 1 ақпан аралығында Астана уақыты бойынша 18.30-ға дейін, ұзақ мерзімді гранттарға 12 қаңтар - 15 ақпан аралығында Астана уақыты бойынша 18.30-ға дейін қабылданады.
Қосымша сұрақтар бойынша Орталық менеджерлеріне 8 (7172) 79-08-04, 79-08-28, 79-08-07 нөмірлері арқылы хабарласуға болады.
Байқау туралы толық ақпарат Азаматтық бастамаларды қолдау орталығының сайтына орналастырылған.