Бұл шешім қаржылық-экономикалық қауіпсіздікті қамтамасыз ету, ішкі валюта нарығындағы жағдайды тұрақтандыру, Қырғыз Республикасының ұлттық мүдделерін қорғау мақсатында қабылданды.
Құжатқа сәйкес, резидент еместерге және шетел азаматтарына 5 мың АҚШ долларынан асатын шетел валютасын, Қырғызстан азаматтары мен резиденттеріне 10 мың АҚШ долларынан астам сомаға шетел валютасын шығаруға уақытша тыйым салынады.
Қырғыз Республикасының азаматтары мен резиденттері 10 мың доллардан асатын қолма-қол ақшаны әкеткені үшін белгіленген лимиттен асатын соманың 10%-ы көлемінде төлем салынады.
Қырғыз Республикасының шекара және мемлекеттік кеден қызметтеріне қолма-қол АҚШ долларын әкетуге жол бермеу бойынша қажетті шараларды қабылдау тапсырылды.
