Павлодар қаласының мамандандырылған әкімшілік сотында Нұрлан Мәсімовке қатысты материалдар қаралып жатыр. Павлодар облысы полиция департаментінің экс-басшысы қазір сыбайлас жемқорлық ісі бойынша сот үкімін күтіп, тергеу изоляторында жатыр.
Ол сондай-ақ Әкімшілік құқық бұзушылық туралы кодекстің 234-1-бабы бойынша түскен екі іс бойынша өтетін әкімшілік сот отырысына қатысады. Ол бапта лауазымды адамдарға бір жүз айлық есептік көрсеткіш мөлшерiнде айыппұл салу жазасы қарастырылған.
Айта кетейік, өткен жылдың шілде айында іздеуде жүрген полиция генерал-майоры Нұрлан Мәсімов шекарадан өтпек болған жерінен ұсталған еді.
