Қазақстан Республикасы Өңірлік даму министрлігінің бұйрығы №110/НҚ

2014 жылғы 14 сәуір, Астана қаласы «Сараптамалық сүйемелдеу режимінде құрылыс жобаларына мемлекеттік сараптама жүргізу қағидасын бекіту туралы» Қазақстан Республикасы Құрылыс және тұрғын үй-коммуналдық шаруашылық істері агенттігі төрағасының 2012 жылғы 23 шілдедегі № 356 бұйрығына өзгеріс енгізу туралы Қазақстан Республикасы Үкіметінің 2002 жылғы 19 тамыздағы № 918 қаулысымен бекітілген Қаржыландыру көздерiне қарамастан құрылысқа арналған жобалау алдындағы (техника-экономикалық негiздемелер) және жобалау (жобалау-сметалық) құжаттамаға сараптама жүргiзу, сондай-ақ мемлекеттiк инвестициялар есебiнен салынып жатқан жобаларды бекiту ережесiнің 21-тармағына сәйкес бұйырамын: 1. «Сараптамалық сүйемелдеу режимінде құрылыс жобаларына мемлекеттік сараптама жүргізу қағидасын бекіту туралы» Қазақстан Республикасы Құрылыс және тұрғын үй-коммуналдық шаруашылық істері агенттігі төрағасының 2012 жылғы 23 шілдедегі № 356 бұйрығына (Нормативтiк құқықтық актілердi мемлекеттiк тiркеу тiзiлiмiне № 7866 болып енгізілген, 2012 жылғы 3 қазандағы № 336-337 (27155-27156) «Казахстанская правда» газетінде жарияланған) мынадай өзгеріс енгізілсін: көрсетілген бұйрықпен бекітілген Сараптамалық сүйемелдеу режимінде құрылыс жобаларына мемлекеттік сараптама жүргізу қағидасында: 9-тармақ мынадай редакцияда жазылсын: «9. Сараптамалық сүйемелдеу режимінде мемлекеттік сараптама жүргізудің жалпы тәртібі тапсырысшының нақты объектіні кезең-кезеңмен жобалау және салу туралы ресми ресімделген шешімі болған кезде тапсырысшының сараптаманы орындаушымен жасасқан шартының негізінде жүзеге асырылады.». 2. Сәулет, қала құрылысы және құрылыс департаменті (С.М. Дембай): осы бұйрықты Қазақстан Республикасы Әділет министрлігінде тіркеуді; Қазақстан Республикасы Әділет министрлігінде мемлекеттік тіркеуден кейін он күнтізбелік күн ішінде осы бұйрықты ресми жариялауды; осы бұйрықты Қазақстан Республикасы Өңірлік даму министрлігінің ресми Интернет-ресурсына орналастыруды қамтамасыз етсін. 3. Осы бұйрықтың орындалуын бақылау Қазақстан Республикасы Өңірлік даму министрінің орынбасары С.К. Нокинге жүктелсін. 4. Осы бұйрық алғашқы ресми жарияланған күннен бастап он күнтізбелік күн өткеннен соң қолданысқа енгізіледі. Қазақстан Республикасы Өңірлік даму министрі Б. ЖӘМІШЕВ. Бұйрық Қазақстан Республикасының Әділет министрлігінде 2014 жылғы 21 мамырдағы Нормативтік құқықтық келісімдерді мемлекеттік тіркеудің тізіліміне №9433 болып енгізілді.