Бұл әсіресе көпбалалы отбасылар үшін үлкен қолдау болмақ.
«Қарағандыда 7 мен 18 жас аралығындағы 110 мыңға жуық тұрғын бар. Электронды билетті енгізу және автобустарды жаңартуға байланысты мен оларға Қарағанды қаласы бойынша тегін жүруді қамтамасыз етуді тапсырдым», деді облыс басшысы.
Е.Бөлекпаев бұл шешімді апатты жағдайда тұрған №44 мектептің ұстаздар қауымы мен оқушылардың ата-аналарымен кездесу барысында айтты.
1948 жылғы ғимаратты қалпына келтіру мүмкін емес. Оның орнына жаңа білім ошағын салуды жоспарлап отыр. Оқушылар мен мұғалімдер №64 мектепке ауыстырылды.
