![Жеңісті уыстан шығарып алды](/media/2023/01/24/2022_11_13_metallurg-mg-barys-0-2-obzor_15835919321667181848.jpg)
Плей-оффқа шығу үшін жанталасып жатқан елордалық клуб Магнитогорскіде жақсы ойын өрнегін көрсетіп, қажетті ұпайды қоржынға салады деп үміттендік. Бірақ бұл жолы біз ойлағандай болмады. Иә, «Барыс» бәсекені жап-жақсы бастады. 7 минутта Әділ Бекетаевтан жақсы пас алған Джереми Бракко есеп ашты – 0:1. Екінші кезеңнің басталғанына бар-жоғы 26 секунд өткенде Андрей Чибисов таразы басын теңестіріп кетті – 1:1. Бұл есеп кездесудің соңына дейін сақталып, яғни 40 минут бойы өзгерген жоқ. Ал овертаймда «Металлургтің» шабуылшысы Денис Зернов жеңіс голын соқты – 2:1.
Осы жеңілістен кейін «Барыс» жарыс кестесіндегі жағдайын тағы да нашарлатып алды. Қазіргі кезде 56 ойыннан кейін 53 ұпай жинаған жерлестеріміз Шығыс конференциясында 10-орында тұр. Бүгін астаналықтар өз мұз айдынында Череповецтің «Северсталін» қабылдайды.