Екібастұз қаласы әкімдігінің хабарлауынша, Целинная, 75, Бұқар жырау, 168, 291А, Кеңшілер-Молодежная, Астана, 34 көшелеріндегі нысандар жылу беруден уақытша ажыратылады. Жылу желілеріндегі ақауды жөндеу жұмыстарына байланысты 174 тұрғын үй мен тоғыз заңды нысан жылусыз қалады. Жөндеу жұмыстары 3 сағаттан 10 сағатқа дейін созылады.
«Барлық жөндеу жұмыстары аяқталғаннан кейін жылу беру қалпына келтіріледі», деп хабарлады қала әкімдігінен.
Айта кетейік, екібастұздықтарға қаңтар айында жылу ақысын қайта есептеуге уәде берілген. Бұл туралы «Екібастұзтеплоэнерго» ЖШС бас директорының міндетін атқарушы Дмитрий Захаров айтты.
Оның айтуынша, қазандық агрегаттарының үздіксіз жұмысын қамтамасыз ету және параметрлерін тұрақтандыру мақсатында станцияда негізгі және қосалқы жабдықтарды жөндеу жұмыстары жүргізіліп отыр.
Кәсіпорын тұтынушыларға есеп айырысу айы жабылып, есептелгеннен кейін 10 ақпанға дейін жылумен жабдықтау қызметінің құнын қайта есептеу алгоритмін беруге уәде беріп отыр.
