«Сайлау туралы Конституциялық заңда Парламент Мәжілісіне сайлау кезінде саяси партиялардың тізіміндегі әйелдер мен жастарға үшінші санат өкілдері қосылды. Бұл – мүгедектігі бар адамдар. Үш санаттың жалпы квотасы 30 пайыздан кем болмауы керек», деді Нұрлан Әбідров комиссия отырысында.
ОСК төрағасының сөзінше, бұл өзгеріс алғаш рет осы науқанда қолданысқа енеді.
«Бұл норма депутаттық мандатты бөлу кезінде де қолданылады. Санаттағы өкілдердің – әйелдердің, жастардың, мүгедек адамдардың саны жиынтығы бойынша партия алған депутаттық мандаттардың жалпы санының кемінде 30 пайызын құруға тиіс», деді ОСК төрағасы.
Гүлшахра САНСЫЗБАЙ
