Бүгін Қапшағай тасжолының 54-шақырымында Ford Mondeo мен Mercedes-Benz C-Class көліктері соқтығысқан. Қатты соққыдан Ford Mondeo көлігі жолдан шығып кетіп, арыққа түсіп, өртенген. Көлік ішінде қалған жүргізуші тірідей өртеніп кеткен. Қазір полицейлер көлікте басқа жолаушылардың бар-жоғын анықтап жатыр.
Екінші көліктің жүргізушісі тізгінге ие бола алмай, көлігі бірнеше рет қоршауға соғылған. Ол жақын маңдағы ауруханаға жеткізілді.
Алдын ала болжам бойынша, Ford Mondeo трассада сырғанап кеткен. Полиция қызметкерлері жағдайдың мән-жайын анықтап жатыр.
