Аймақтар • 31 Қаңтар, 2023

Павлодарда жол апатынан 3 адам зардап шекті

190 рет
көрсетілді
1 мин
оқу үшін

Павлодарда жол апатынан екі бала мен бір әйел зардап шекті. Олар қалалық ауруханаға жеткізілді, деп хабарлайды Egemen.kz.

Павлодарда жол апатынан 3 адам зардап шекті

30 қаңтар күні сағат 12:30-да Катаев көшесіндегі 60/1 үйдің алдында «Mitsubishi Outlander» және «ВАЗ-21114» маркалы екі көлік соқтығысты.

«Жол апаты салдарынан ВАЗ көлігінің 2020 және 2022 жылы туған жолаушы балалары түрлі дене жарақаттарымен ауруханаға жатқызылды. Аталған факті бойынша тергеу жұмыстары жүргізіліп жатыр, қажетті сараптамалар тағайындалды», деп хабарлады облыстық полиция департаментінің баспасөз қызметінен.

Облыстық жедел жәрдем станциясында анықталғандай, балалардан басқа 36 жастағы әйел де дене жарақатын алған. Балалар облыстық балалар ауруханасына, әйел бірінші қалалық ауруханаға жеткізілді.

Көлік тұраққа қойылды.