Спорт • 03 Ақпан, 2023

«Астана» велокомандасы жаңа маусымды жеңіспен бастады

166 рет
көрсетілді
1 мин
оқу үшін

Astana Qazaqstan Team жаңа маусымда алғашқы жеңісіне қол жеткізді. Бұл жолы Испанияда өтіп жатқан Вуэльта Валенсия турында команданың итальяндық мүшесі Симоне Веласко айрықша көзге түсті, деп хабарлайды Egemen.kz.

«Астана» велокомандасы жаңа маусымды жеңіспен бастады

«Астана» өкілі Вуэльта Валенсия турының үшінші кезеңінде мәре сызығын бірінші болып кесіп өтті. Ол Бетера мен Сагунто қалалары арасындағы 145 км ұзындықты сәтті еңсерді.

Осылайша, Симоне Веласко жаңа маусымда Қазақстан велошабандоздары үшін алғашқы жеңісті әкелді.

Айта кетсек, Вуэльта Валенсия туры 5 ақпанда аяқталады.