Киберқылмыспен күрес

Бірлескен қызмет шеңберін­де ұйымдар Орталық Азия өңірін­дегі жаһандық қатерлерге қарсы іс-қимыл жөніндегі өңірлік хаб болып саналатын Бас прокуратура жанындағы Құқық қорғау органдары академиясы үшін білім беру бағдарламаларын әзірлейді. Қазіргі әлемдегі осындай қауіп­тердің бірі – киберқылмыс.

– Құқық қорғау органда­ры өкілдерінің заманауи қа­уіп-­қа­тер­лерге дайын бол­мауы цифр­­лық саланы кримина­лиза­ция­­­лауға әкелуі мүмкін. Бұл қа­уіп-қа­терлерге қарсы тұру үшін құқық қорғау органдары цифр­лық технологиялар саласында жет­кілікті білімге ие болуы керек. Қол қо­йылған меморандум крип­то­ва­люталардың көптеген құ­қық қор­ғау аспектісін шешу үшін қажетті білім мен дағды­лар­ды жинақтау үшін берік негіз болатынына, сондай-ақ кибер­қыл­мыстарды ашу мен тергеу ерек­шеліктерін оқыту бойынша жаңа мүмкіндіктер ашатынына сенім­дімін, – дейді академия ректоры Марат Сексембаев.

Криптоиндустриядағы ха­­лық­аралық зерттеулердің нә­тиже­­­ле­рі бойынша киберқылмыс көле­мі 2022 жылы тарихи тұр­ғы­дан ең жоғары деңгейге жетті. Атал­ған жаһандық проблеманы шешу үшін нарықтың ірі ойыншыла­­рын тарту процесі басталады, сон­дай-ақ құқық қор­ғау органдары­ның өкілдерін ки­бер­қылмыстар­мен күресте блокчейннің жаңа құрал­дарына үйретуге баса назар аударылады.

– Binance бүкіл әлем бойынша 750-ден астам қызметкері бар саладағы жетекші жаһан­дық FATF қауіпсіздік және сәйкестік коман­дасына ие. Біз ақшаны жы­лыстатуға қарсы күрес, күдікті әре­кеттерді қадағалау аясында мем­­лекеттік құқық қорғау орган­дары­мен және жеке ұйым­дар­мен ынтымақтасамыз. Серіктестеріміз ұсынатын бас­тапқы есептік жаз­ба­ларға сүйе­не отырып, желі ішін­дегі күдікті транзакцияларды анық­тауға мүмкіндік беретін тергеулер жүр­гіземіз. Ақшаны жылыстатуға қар­сы күрес (AML) бойынша ішкі анықтау және талдау құралдарын үнемі жаңартып, кеңейтіп отырамыз, – дейді Binance Kazakhstan бас менеджері Жаслан Мәдиев.

Білім беру бағдарламасы Ұлт­тық банктің төлем және қар­жы технологияларын дамыту ор­та­лығы, Astana Hub халық­аралық технопаркі қолдауымен, Binance білім беру материалдары негізінде академия базасында іске асырылады.

– Біз аймақтағы ең ірі техно­парк ретінде құқық қорғау органдары мен технологиялық экожүйенің, соның ішінде на­рық­­тың ең ірі ойыншылары­мен ынтымақтас­т­ық орнат­қа­ны­мызға қуаныш­ты­мыз. Крип­­тоинциденттерді тергеу үде­­ріс­терінің дамуы крип­то­­индустрияның және тұтас­тай алғанда блокчейн техно­ло­­гиясының дамуымен қатар жүруі керек. Қазақстан өңірде үз­дік тәжірибе жасай алады деп сене­мін, оған біз барлық қажетті қол­дауды көрсетуге дайынбыз, – дейді Astana Hub халықаралық технопаркінің бас директоры Мағжан Мәдиев.