Футбол • 10 Ақпан, 2023

Қазақстан құрамасы Даму кубогінің финалына шықты

414 рет
көрсетілді
1 мин
оқу үшін

Минскіде өтіп жатқан халықаралық турнирде 17 жасқа дейінгі Қазақстанның жасөспірімдер құрамасы топтық кезеңнің шешуші ойынында жарыс иелері Беларусь футболшыларымен кездесіп, 1:0 есебімен жеңіске жетті, деп хабарлайды Egemen.kz.

Қазақстан құрамасы Даму кубогінің финалына шықты

Кездесуде соғылған жеңіс голының авторы - Ілияс Әбіл. Қазақстан құрамасының жартылай қорғаушысы турнирдегі екінші голын соқты.

Александр Кузнецов шәкірттері үш ойын қатарынан жеңіске жетіп, өз тобында бірінші орын алды. Топтық кезеңде барлық кездесуде жеңіске жетіп, қақпасына гол өткізбеген турнирдегі жалғыз команда екенін айта кеткен жөн. 

Біздің жасөспірімдер бірінші орынға Ресей U-17 құрамасымен таласады. Финал Астана уақытымен 11 ақпан күні 20:00-де басталады.