Мектеп • 13 Ақпан, 2023

Маңғыстау мектептерінде қауіпсіздік шаралары күшейтілді

441 рет
көрсетілді
1 мин
оқу үшін

Өңірдің барлық оқу орындарында лицензияланған күзет агенттіктерінің қызметкерлері мен оқытушылар құрамы кезекшілік етеді, деп хабарлайды Egemen.kz.

Маңғыстау мектептерінде қауіпсіздік шаралары күшейтілді

Облыс білім басқармасының адамгершілік-рухани тәрбие және өзін-өзі тану бөлімінің басшысы Құралай Газимованың айтуынша, барлық мектептерде мұғалімдердің кезекшілігі ұйымдастырылып, оқытушылар құрамымен де, оқушылармен де түсіндіру жұмыстарын жүргізілді.

«Барлық мектептерде оқушылардың мектепке баруын есепке алатын арнайы күзет бар. Полиция мен қауіпсіздік агенттіктерінің жедел басқару орталықтарына қосылған дабыл түймелері жұмыс істейді. Өткен жылы уәкілетті органдармен оқу іс-шаралары мен түсіндіру жұмыстары жүргізілді. Бұл бағыттағы жұмыс биыл да жалғасын табады», деді Құралай Ғазимова.

Еске сала кетсек, 13 ақпанда Петропавл қаласындағы №4 мектепте төтенше жағдай болды. 9-сынып оқушыларының бірі мектепке балта мен пышақ әкеліп, сабақ басталмай тұрып орта мектеп оқушыларына шабуыл жасаған. Оқиға салдарынан үш оқушы жарақаттанды, олардың екеуі жансақтау бөліміне жатқызылды.