Қоғам • 16 Ақпан, 2023

Астана мешітінде ұрлық жасаған ер адам ұсталды

521 рет
көрсетілді
1 мин
оқу үшін

Байқоңыр ауданы ПБ криминалдық полиция қызметкерлері мешітте жасалған қылмыстың бетін ашты. Жедел-іздестіру іс-шаралары барысында қомақты соманы қолды қылған 31 жастағы ер адам ұсталды, деп хабарлайды Egemen.kz.

Астана мешітінде ұрлық жасаған ер адам ұсталды

«Тергеу барысында күдікті Рахимов көшесінің бойында орналасқан мешітке келіп, намаз кезінде залдың ең соңғы қатарында тұрған. Сол кезде ол терезенің алдында жатқан күртешелерді байқаған. Жиналғандардың байқамай тұрғанын пайдаланып, күртешелердің бірінен әмиян тауып алып, ішінен 600 АҚШ доллары көлеміндегі ақшаны иемденіп алған. Кейін әмиянды күртешеге қайта салып, мешіттен шығып кеткен», делінген полиция департаменті таратқан хабарламада.

Аталған дерекке қатысты ҚР қылмыстық кодексінің 188-бабы (ұрлық) бойынша сотқа дейінгі тергеу амалдары жүргізіліп жатыр.

Ұсталған азамат кінәсін толық мойындады, ал полиция қызметкерлері заттай дәлелдемелерді тәркіледі. Оның бұрын Астана аумағында жасалған осыған ұқсас қылмыстарға қатысы бар-жоғы тексеріліп жатыр.

Соңғы жаңалықтар

Нағыз ғалым еді...

Тұлға • 13 Шілде, 2024

Аурухана жағдайымен танысты

Саясат • 13 Шілде, 2024

Әскерилерді әлеуметтік қолдау

Саясат • 13 Шілде, 2024

Базалық мөлшерлеме төмендетілді

Экономика • 13 Шілде, 2024

Көршінің наны

Қоғам • 13 Шілде, 2024