Қоғам • 20 Ақпан, 2023

Энергетика министрлігі Екібастұздағы жағдайға қатысты пікір білдірді

295 рет
көрсетілді
1 мин
оқу үшін

Энергетика министрлігі Екібастұзды жылумен қамту туралы пікір білдірді, деп хабарлайды Egemen.kz.

Энергетика министрлігі Екібастұздағы жағдайға қатысты пікір білдірді

«2023 жылғы 18 ақпанда сағат 04.37-де Екібастұз ЖЭО-да су жылыту бөлігінің жылу желісін беру коллекторы зақымданды. Нәтижесінде салқындатқыш температурасының параметрлерін төмендету арқылы су жылыту қазандықтары тоқтатылды. Шамамен сағат 20.00 кезінде жөндеу жұмыстары аяқталды. Коллекторды толтырғаннан кейін сағат 23.00-де жылу желісінің параметрлерін көтеру үшін кезек-кезек су жылыту қазандықтарын іске қосу басталды. Қазіргі уақытта Екібастұз ЖЭО-да 6 қазандық жұмыс істеп тұр. Жылу беру температурасы 70 градус», делінген хабарламада.

Қазір оқиға орнында ТЖМ, Атом және энергетикалық қадағалау және бақылау комитеті өкілдерінің қатысуымен облыс әкімдігінің жедел штабы жұмыс істеп жатыр.